Uummannap nunaqarfiinut timmisartuussinissat taamaatinneqartut
Nunaqarfinnit taakkunannga ilaasussat bilitseqareersut bilitsimik akii utertissagaat, timmisartuutileqatigiiffiup ilisimatitsissutigaa.
- Inunnik qimagussuineq qaqugu taamaatinneqassanersoq paasinarsiniariarpat timmisartuussinerit aallarteqqinneqassapput. Tamatuma kingorna ilaasussat ornitassaminnut apuunneqarnissaat sapinngisaq tamakkerlugu anguniarneqassaaq, Air Greenland tusagassiorfinnut nalunaaruteqarluni taama allappoq.
Qaarsunut aamma Qaarsunit timmisartuussinerit aallarteqqinneqarsimalerput, aamma Qaarsut Uummannallu akornanni qulimiguulimmik timmisartuussinerit.
Angalanissat timmisartuussinissanit taamaatiinnarneqartunit eqqorneqartut Air Greenlandip callcenteria 70 12 12-imut attavigisinnaavaat.