Uummannap Kommuniani akileraarut allanngussanngilaq
Uummannami kommunalbestyrelsip maanna innuttaasut neriorsorsinnaanngorpai aappaagumut akileraarut 28 procentiuinnassasoq.
Allattoq Jokum Nielsen
novembarip 29-at 2007 04:26
Tassami kommunip 2008-mut aningaasartuutissatut missingersuutai suliarineqareerput akuersissutigineqareerlutillu.
Uummannap kommuniata ukiormanna sinneqartoorutigissavai 4 miliuunit koruunit taamalu ukuiup naaneraani karsimiittuutigineqartussatut piumasaqaatigineqartut malinneqartussanngortut, borgmester Jens Lars Fleischer nalunaarummini allappoq.
