Uummannap kitaatungaani imermik atuinermik suli killilersuisoqarpoq.Assi: KNR/Anton Gundersen Lihn

Uummannap kangisissortaani najugallit imeq imersinnaaleraat

Uummannammi kangiatungaani imermut aqqusersuutit naammaginartumik pitsaassuseqalersut nalunaarutigineqarpoq.

Uummannammi kangisissortaani najugallit imeq imersinnaaleraat, Nukissiorfiit nalunaarutigaat.

Imeq pillugu suliaq naatsumik:
- Septembarip 20-at: Uummannami imeq uuliamik mingutsinneqarsimasoq innuttaasut ilisimatinneqarput. Tamanna septembarip 11-anni pisimasoq, tassanilu Nukissiorfinni sulisup klori akuutissaq atornagu uulia akuleruttoorsimavaa.

- Innuttaasup piffissami tassani pasitsaassaqalerput, imermi uuliarsunnittoq naamaneqarsinnaammat.

- Nukissiorfinni sulisut imermut klorimik kuisigaangamik kiinarpaqartarput, taamaammat sulisup uulia kuigamiuk naamasinnaasimanagu, Nukissiorfiit ilisimatitsipput. Uulia klorilu assigiillutik akimut ersittumik qalipaateqarput.

-  Uummannami tunisassiorfiit septembarip 19-aniit ullualunni matoqqasarsimapput.

- Meeqqat atuarfiat meeqqeriviillu aamma matoqqatinneqarnikuupput, maannali ammaqqinneqarsimallutik.

- Imeq minguitsoq imertartarfinnut pisillugu Uummannamut assartartorneqartarpoq, taamaalilluni innuttaasut namminneq imertartarlutik. Umiarsualivimmit nilaat aamma agguaanneqartarput.

- Imeqarfimmi imeq minguitsunngorsimasoq septembarip 29-anni nalunaarutigineqarpoq. Imeqarfimmiilli erngup akuerineqarnera Nukissiorfinnit aqaguani uterteqqinneqartariaqarluni.

- Imeq qaqugu imerneqaqqissinnaalissanersoq Nukissiorfinnit suli oqaatigineqarsinnaanngilaq.

Uummannap kitaatungaani imermik atuinermik suli killilersuisoqarpoq.

AAMMA ATUARUK Kiisami: Uummannap ilarujussuani kuuffimmit imertoqarsinnaalerpoq

Taamaattumik inoqutigiit sumiiffimmi pineqartumi najugallit, erngup aqqutaanut attavillit kuutsitsillutik imeqqusaanngillat, kisiannili imeq eqqiluisaarnermut eqqiaanermullu, kiisalu erruinermut atisanillu errorsinermut atorsinnaavaat.

Uulia imermut akulerunneqartoq

Sulisup uuliamik kuisinera kukkuneruvoq, tamannali innuttaasunut kingunerlungaatsiarpoq. Uuliami erngup aqqutaanut ataqatigiittunut akulerunneqarpoq – taamaattoqarneraniillu kuuffinneersoq imeq imerneqaqqusaajunnaarluni. 

Assimi uani takuneqarsinnaavoq illoqarfiup qeqqa kangisissortaalu qorsummik qalipaaserneqarsimasut, taakkulu tassa erngup imerneqarsinnaasutut akuerineqarfia. Qungaatumik qalipaaserneqarsimasumiittut ernganit suli imertoqaqqusaanngilaq.

 

Innuttaasup qorsummik nalunaarsorneqarsimasumi najugaqartut kuuffimmiit imersinnaaleqqipput. Assi: Nukissiorfiit

 

Uummannami innuttaasut erngup mingutsinneqarsimaneranik kalerrinneqarneranit sapaatit akunneri arfineq-pingasut qaangiussimalerput.

Innuttaasut taamanili kuuffinnit imermik imeqqusaajunnaarput, imermillu illoqarfimmut assartorneqarsimasumit imertariartariaqartarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat