Uummannamut Qeqertarsuullu Tunuanut Qaleralittassiissutit
Naalakkersuisut ippassaq pingasunngornermi aalajangerput, aqutsiveqarfimmi Uummannami qalerallit katillugit 202 tonsit pisassatut nuunneqassasut, sumiiffimmi umiatsiaararsortut qaammatip sinnerani qaleralinniarsinnaaqqullugit.
Allattoq Karsten Sommer
Qalerallit pisassatut nuunneqartut tassaapput Uummannap aqutsiveqarfiani sunngiffimmi aalisartunut qullukkiassatut pisassiissutit 100 tonsit, decembarimullu qaleralittassiissutit 102 tonsit.
Aqutsiveqarfimmi Qeqertarsuup Tunuani decembarimut qaleralittassiissutit 147 tonsit novembarimi aalisarneqarsinnaasunngorlugit aamma nuunneqarput.