Taakkununnga decembarimi qaleralittassat 118 tonsit ilanngunneqarput, taamaalilluni umiatsiaararsortunut aqutsiveqarfimmi Uummannami pisassat sinneruttut katillutik 646 tonsiulerput.Assi: KNR/Anton Gundersen Lihn

Uummannamut qaleralittasseeqqittut: Innersuussutaasunit 73 procentimik amerlanerusut

Uummannami qaleralittassat ilisimatuussutsikkut innersuussat ukioq manna 5.800 tonsiusupput. Pisassiissutilli qaffaaqqinnermi 10.028 tonsinngorput.

Aqutsiveqarfimmi Uummannami umiatsiaararsorlutit qaleralinniartaruit aalisaqqiliinnarsinnaanngorputit. Naalakkersuisummi qaleralinniat qaammat una pisassaqanngereersut ukiup sinneranut pisassippaat.

Naalakkersuisummi sinerissap qanittuani umiatsiaararsorluni qaleralinnianut pisassiissutit 528 tonsinik sisamanngormat ilagaat, Aalisarnermut naalakkersuisoqarfik tusagassiuutinut nalunaaruteqarpoq.

Taakkununnga decembarimi qaleralittassat 118 tonsit ilanngunneqarput, taamaalilluni umiatsiaararsortunut aqutsiveqarfimmi Uummannami pisassat sinneruttut katillutik 646 tonsiulerput.

AAMMA ATUARUK Uummannaq må fiske efter hellefisk igen

Qaleralinnut pisassiissutit tamakkerlugit qaqissimaneqalerpata qaleralinniarneq unitsinneqassasoq, naalakkersuisoqarfik aamma nalunaapoq.

Taamaalilluni aqutsiveqarfimmut Uummannamut aalisariutinut umiatsiaararsortunullu 2020-mi qaleralittassiissutigineqartut katillugit 10.028 tonsiulerput. Ilisimatuussutsikkut innersuussutigineqartut 73 procentinik sipporneqarlutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat