Uummannami suliffissuaq allanngortiternavianngilaq

Royal Greenlandip Uummannami suliffissua sutigulluunniit allanngortiterffiunavianngitsoq Royal Greenlandip pisortaa Henrik Leth oqarpoq.

Uummannap borgmesteria Jakob Petersen, Royal Greenlandip qullersaqarfianut allakkanik ammasunik allagaqarluni allappoq tusatsiartalersimallugu Royal Greenlandip Uummannap sulluani suliffisui tulaassuiviinnartut atulissasut, qalerallillu nunani allani suliarineqartalissasut.

Henrik Leth radioaviisimut oqarpoq suliffissuup allanngortiternissaanut pilersaaruteqaratik.

Uummannap suliffissuani tulaanneqartartut ikippallaartaqimmata maanna tunisanik qerititsiortuinnarlutik ilanngullugu oqaatigaa.

Suliffissuarmi sulisut soraarsitaanatillu allamut nuutinniarneqanngitsut pisortaq erseqqissaavoq.

Henrik Leth aamma oqarpoq niuvernermi pisut tunngavigalugit, qanoq ilioriuseqarnissaq misissorneqartuartartoq.

Uuumannami Royal Greenlandip suliffissuani qaleraliinnaanngitsunik, allanilli tunisassiorsinnaaneq misissussanerlugu maanna eqqarsatigigitsik.