Assi: Tim Arnoldi

Uummannami sarfaaruttoorneq peqqutaalluni innaallagiaqaranilu imeqanngitsoq

Uummannami ulloq unnuarlu sarfaqanngilaq. Angerlarsimaffiit amerlasuut qiianarput, tamaanilu inuit paasissutissiisoqarnissaanut utaqqipput.

Nutarterneqarpoq nal. 18:30.

Uummannaq sisamanngormat ualikkulli innaallagiaaruteqattaalerpoq.

Sisamanngornermi ulup qeqqata kingorna marluk missaanni innaallagiaaruppoq

Ulloq unnuarlu qaangimmat innaallagianeqqippoq, taava tallimanngornermi unnukkut arfininngulersoq innaalliagiaaruteqqppoq.

Nuklssiorfiit pisortaat Cicilie Senderovitz KNR-imut taama oqaluttuarpoq. 

 - Innaalliagiaaruteqqippoq generatorimi pujoorfik ikuallalersimammat. Taamaattumik innaallagissamik pilersuineq unitsittariaqarluni.  Innaallagiaqaleqqinnisssaq pillugu maanna suliaqarpugut, qaquguli tamanna pinissaa oqaatigisinnaanngilarpt, Senderovitz oqarpoq.  Taassuma ilanngullugu oqalutuaraa, suna ajoqutaanersoq oqaatigisinnaanagu, innaalliagiaqaleqqinnissaanullu aortut taartissat taamatullu Nukissiorfimmi sulisut maanna Uummannakartut. 

Uummannami najugalik: Qiianarpugut, paasissutissiisoqarnissaanullu utaqqivugut 

KNR-illi Uummannami najugalik Paaluk Kreutzmann attaveqarfigaa. 

Uummannami ippassaq marlunngornermi ualikkut nalunaaqutaq 14.00-p missaanili saarfaaruttooqattaartoq sarfanillatsiaqqeriarlunilu qamittooqqittartut, taanna oqarpoq. 

Angerlarsimaffippassuillu imeqaratillu innaallagiaqanngitsut, taanna aamma oqarpoq:

- Qiianarsiartorpugut. Uuminarpoq. Naalungiarsuuteqaratta. Mobiligut battereeruttuulerput qerititsivimmiittuutigullu aakkiartorlutik.

Qaqugu tungaanut qamittooqqassanersusi ilisimatinneqarpisi?

- Naamik, sarfaaruttoorsimasugut innaallagissiorfimmilu ajornartooqqasut Facebookimi atuarpara, qaquguli innaallagiaqaqqilissanersoq naluarput. 

Avannaata Kommunia Uummannami sarfaaruttoorneranut tunngatillugu aamma paasissutissiinngilaq.

Uummannami peqqissaavik ajornartoornermi sarfalersorneqartoq, Peqqinnissaqarfik Avannaani nunap immikkoortuani nakorsaaneq Peter Vedsted KNR-imut ilisimatitsivoq.

Tassa ajoqusersimasut ikiortariallillu nakorsiarsinnaapput.

Innaallagiaqaqqilernissaa Nukissiorfiit maanna sulissutigileruttorpaat, qaquguli innaallagiaqaqqilernissaa oqaatigiuminaatsoq politiit oqaatigaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl