Uummannami nakorsaarutissappat kinguneqarnerlussinnaavoq

Uummannami nunaqarfiinilu arfineq-marluusuni innuttaasut siunissami nakorsaarunnissartik ernummatigaat.

Inatsisartuni ilaasortaq Uummannamilu borgmesteriusoq Jens Lars Fleischer nalunaarpoq.

Kommuni nakorsaarutissanersoq naalakkersuisunut apeqqutigisimavaa.

Uummannap kommunea siunissami nakorsaarunniarnersoq, innuttaasullu Ilulissanut nakorsiartalerniarnersut - innuttaasut akornanni oqallinneq taama apeqquteqarnermut maanna tunngaviuvoq.

- Tusatsiakkat eqqussappata kinguneqarnerluttoqarnissaa takorloorneqarsinnaavoq, Uummannami borgmesteri oqarpoq.

Jens Lars Fleischer naalakkersuisunut paragraf 36 atorlugu apeqquteqarpoq, tamannalu ilumoorsimassappat suna tunngavigineqarnersoq aamma paaserusunneqarpoq.

Peqqissaaveqarfinnik Aqutsivik nakorsaqarneq pillugu ilusilersuinissamut siunnersuusiortoq sapaatip akunnerani kingullermi tusarliupparput, siunnersuulli taanna suli akuerineqaqqajanngilaq. Uummanami tutsiartalikkat immaqa taassumannga aallartissimasinnaapput – tamannali tassa naalakkersuisut maanna akisussanngorpaat.