Uummannami Jens Lars Fleischer borgmesterinngussaaq

Apriilip 14-iani radioaviisikkut oqaluttuaraarput Uummannap kommunalbestyrelseani Jens Lars Fleischer, qinersinermi 102-inik taaguunneqarnerpaasoq Siumumit borgmesterissatut toqqarneqartoq.

Jens Lars Fleischer-ip radioaviisimut ullumi nammineq naqissuserpaa Uummannami ukiuni tulliuttuni sisamani borgmesteriussalluni. Jens Trolle Siumut sinnerlugu qinigaasoq borgmesterip tulliatut siullertut inissippoq. Borgmesterip tulliata aappaa kommunalbestyrelsep siullermeersumik ataatsimiinnerani maajip aqqarnanni makitsinikkut inuttalerneqassasoq Jens Lars Fleischer oqarpoq.

Tassa Siumumit Qaarsuneersoq Karl Tobiassen borgmestrip tulliata aappassaatut sassartinneqassaaq Atassummiillu inuttassaa suli aalajangerneqanngitsoq, Atassut sinnerlugu kommunemut qinigaasoq Elisabeth Fleischer ilisimatitsivoq. Makitsinissaq pissaaq Atassutip illuatungiliuttutut inissinneratigut aammalu qinersinermi kisitsisitigut taaguunneqarnikkut amerlaqatigiittoqarmat.

Jens Lars Fleischer oqarpoq Kanukokami siulittaasutut ingerlaannarnissi Kanukoka juunip arfineq pingajuanni ataatsimeersualerpat paasinarsiumaartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat