Imermik atuinak: Uummannami imeqarfik ajoquteqartoq
Uummannami innuttaasut imermik kuutsitsivimmit sapinngisamik atuinaveersaassapput. Nukissiorfiit taama paasissutissiipput.
Allattoq Christine Hyldal
Nutserisoq Connie Fontain, Bikki P. Kleist
Uummannami imermik pilersuivimmi akornuteqarneq matumani pissutaavoq. Tatsip imeqarfiusup eqqaani pumpip ajoquteqarnera pissutigalugu illoqarfiup imermik pilersorneqarnissaanut taseq sillimataasoq pilersuissutigineqarpoq.
Tatsimili sillimmataasumi pitsaassuseq qulakkeerneqarsinnaanngilaq. Taamaammat imermik atuiniaraanni qalaasseqqaarnissaq pisariaqarpoq - Nukissiorfiilli tatsimit erngup atorneqanngilluinnarnissaa innersuussutigaa.
Imermik pilersuineq aaqqeriarpat qalaasseqqaaqqusineq atorunnaarsinneqarumaarpoq. Nukissiorfiit nittartagaatigut ingerlatsinermut paasissutissat atuarneqarsinnaapput.