Uummannami imeq peqqissutsimut ajoqutaananilu suli imerneqarsinnaasoq, avatangiisinut naalakkersuisoqarfik ilisimatitsivoq.

Uummannami imeq uuliamik akoqalaaraluartoq imerneqarsinnaasoq

Erngup aqqutaani sumiiffiit ilaanni imeq uuliamik annikitsuararsuarmik akoqartoq, misissuinerit nutaat inernerisa takutippaat. Imerli imerneqarsinnaavoq.

Uummannami imeq decemberip ulluisa aqqarnganni misissuiffigineqarpoq, erngullu aqqutaani sumiiffit ilaanni imeq uuliamik annikitsuararsuarmik akoqartoq misissuinermi inernerit Ilisimatusarnermut Avatangiisinullu Naalakkersuisoqarfimmit decembarip ulluisa 21-anni pissarsiarineqartut takutippaat.

Imerli imeqarfimmeersoq imerneqarsinnaasoq, Naalakkersuisoqarfiup tusagassiuutinut marlunngornermi unnukkut nalunaarutaani erseqqissaatigineqarpoq.

Uummannami imeq peqqissutsimut ajoqutaananilu suli imerneqarsinnaasoq, Ilisimatusarnermut Avatangiisinullu Naalakkersuisoqarfik nunatta nakorsaanera isumasioqatigereerlugu naliliivoq.

AAMMA ATUARUK Nukissiorfiit: Erngup mamaannera kianneranik pissuteqarpoq

Uummannami imermik pilersuineq decemberip ulluisa aqqarnganni akornuteqalerpoq, erngullu aqqutaa imermik kingorna immerneqaqqimmat ruujorit qalippernerinit uuliamineq kaanngarluni imermik pilersuinermut siaruaappoq.

Uulia pineqartoq 2019-imi septembarimi kukkusoqarnerani uuliap illoqarfiup ernganut akuliunneqartup assigigaa, Ilisimatusarnermut Avatangiisinullu Naalakkersuisoqarfik tusagassiuutinut nalunaarpoq.

Erngup aqqutaa biilillu imertaassuit imiisiviillu Nukissiorfinniit kingorna salinneqaqqissaarput.

Allanik iliuuseqartoqartariaqarnera naatsorsuutigineqanngilaq. Naalakkersuisoqarfiulli pisut malinnaaffigigai imerlu misissorneqallattaassasoq, Namminersorlutik Oqartussat nalunaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat