Uummannami imeq suli uuliaqalaarmat imerneqarsinnaanngilaq
Uummannami erngup uuliaqarnera takujuminaakkaluarluni tikka uuliasunnimmat suli imerneqarsinnaanngilaq.
- Imermik misiliutit laboratorianut ullut tamaasa nassiussuunneqartarput taamaattorli ullut tallimat missaani akissutissai tiguniarneqartarlutik. Oqaatigisinnaavarput misissuinerit kingulliit pitsanngoriartortut. Kisianni qulakkiivittariaqarparput misissuinerit inernerisa takutinnissaat erngup minguitsuunera imerneqaqqilersinnaaneranut nalunaaruteqartinnata. Pissangalluta utaqqivugut, Nukissiorfinni teknikikkut pisortaq Kenneth Nyland oqarpoq.
Imermik misissuinerit takutippaat imeq suli uuliaqalaartoq, taamaattumik imeq qaqugu imerneqarsinnaalissanersoq suli oqaatigineqanngilaq.