Nukissiorfiit: Uummannami imeq suli imerneqarsinnaavoq
Uummannami eqqaavissuup nammineerluni ikuallalernerata kingornatigut misissugassatut qaluneqartut Nukissiorfiit maannakkut imermik misissuinernut akissutigineqartut tigusimalerpai.
AAMMA ATUARUK Nukissiorfiit Uummannami imeq najoqqagassaq suli misissoraat
Misissueqqissaarnerit inernerisa takutippaat akuutissat ataasiakkaat imaluunniit akuutissat ataatsimoortut malugineqarsinnaasut, taakkua tatsini imermik imerneqartussamik sillimmateqarfinni nalinginnaasumik takussaassusaanngillat annikimmatali imerneqarsinnaallutik.
Akuutissat imermi nassaarineqartut peqqissutsimut akornutaasinnaanngitsut nunatta nakorsaanerata Henrik L. Hansenip Nukissiorfinnut Pinngortitamut Avatangiisinullu Naalakkersuisoqarfimmullu ilisimatitsissutigaa.
AAMMA ATUARUK Uummannami eqqaavissuaq ulorianartumik pujuliortoq
Misissugassat Hollandimi laboratoriami misissoqqissaarneqartut takutippaat Uummannami imeq imerneqartussaq imissallugu suli aarlerinaateqanngitsoq.