Uummannami amutsivik namminersortunngorsarneqarpoq
Ammasumik suliarinnittussarsiuussineq isumaqatigiinniarnerillu arlallit ingerlanneqareersut, Uummannami kommunalbestyrelse-p aalajangerpaa, Uummannami amutsivik Ingerlatseqatigiiffimmut Qalut-Vonin-imut tunineqassasoq.
Allattoq Najaaraq Egede
Uummannami kommunalbestyrelsep 2007-ip aallartinneranili amutsiviup kommunip ingerlataata namminersortunngorsarneqarnissaa aalajangiuppaa.
Piffissangaatsiaq taamanerniit qaangiuteriillartorlu, Qalut-Vonin Nuummi angerlarsimaffeqartoq, Uummannami amutsivimmik ukiortaamit ingerlatsilerpoq, taama nalunaarpoq, borgmesteriugallartoq Karl Tobiassen.
Qaluleriffik Qalut-Vonin Nuummi aalisarnermut tunngasunik atortussaarniarfeqarnermi saniatigut aamma Ilulissani pisiniarfimmik ingerlatsivoq.
Ukiarmilu aamma Uummannami atortussaarniarfimmik ammaasimalluni.