Uummannami alianartumik ipilluni ajunaartoqarpoq

Uummannap qanittuani umiatsiamik ajutoortoqarmat inuit pingasut ippassaq ajunaarput.
juulip 28-at 2014 03:06

Umiatsiaq 14 fodsilik arfinilinnik ilaasoqartoq, Uummannap qeqertaani Juulimaap illuaraanik iluarsaassinissamut atortussanik ippassaq ualikkut assartuivoq.

Uummannamut utertillutik umiatsiaq sikumut aporsimassagatinneqarpoq kinngullunilu, Politikommissær Poul Petersen Nuup Politiivineersoq KNR-imut taama ilisimatitsivoq.

Politiit ualikkut nalunaaqutaq sisamat missaani kalerrinneqarput.

Umiatsiamik ikiuiartortut apuutilertupallapput

Umiatsiamik ikiuiartortut apuutilertupallapput, ilaasunilli arfiniliusunit pingasut ajunaarput. Ataaseq uummarsarneqarluni uummartinneqarpoq ilaasullu allat marluk annallutik.

Ajutoorneq alianartoq politiinit maanna paasiniaaffigineqaleruttorpoq, ullullu ilaa paasissutissanik amerlanerusunik saqqummiussaqassajunnarsipput.