Uummammik aallartitsissut 50-it ilinniarpaat
Aasianni utoqqaat illuanni sulisut Kalaallit Røde Korsianiit pikkorissaasartumit pulaarneqaqqammerput. Inuit 50-it ikiueqqaarnermik pikkorissaanermi ilaapput allagartartaartinneqarlutillu. Pikkorissaanermi Kalaallit Røde Korsianit ilitsersuisuuvoq David Løvstrøm pikkorissartitsinerillu novembarip tallimaaniit novembarip 21-iata tungaanut ingerlanneqarput.
Sulisut pikkorissarnerminni uummammik aallartitsiniutip atornissaa ilinniarpaat. Saniatigut ajoqusernerit assigiinngitsut qanoq passunneqartassanersut ilinniarpaat. Pikkorissartitsinerit akunnerit 24-it ingerlanneqarput.
Utoqqaat illuanni sulisut kisimik pikkorissartinneqanngillat aamma Qaasuitsup Kommuniani Aasianni allaffimmiut uummammik aallartitsiniutip atornissaa ilinniarpaat. Allaffimmiut pikkorissartinneqarnerat novembarip 26-ianiit novembarip 27-iata tungaanut ingerlarneqarpoq, pikkorisartitsinerit naammassineqarmata pikkorissartineqartut allagartartaartinneqarput.