Uumasuutillit mianersoqquneqarput

Puulukimernit siatat, pebernøddit marcipanbrødillu sukkulaamik qallikkat. Aap, qimmit qitsuilluunniit isitik immatseruloorlugit mamartunik qinnuuluuleraangata, pingaartumik juulleriartornerani naaggaaruminaattarput.
decembarip 03-at 2009 10:29

Mianersorilli uumasuutit qujagisat sunik tuniorarnerlugu, tamanna nutaarsiassaqartitsivimmi Newspackimi allaaserineqarpoq.

Uumasunnguit naarlulersinnaapput, taamaalillutik timmilerlutilluunniit meriarujussualersinnaallutik, uumasut nakorsaat, Jørgen Mikkelsen, Åbyhøjimi Uumasut nakorsiartarfianneersoq taama mianersoqqusivoq. Qimmillit qimmip nerisarfianut sukkulaatinik ilioraasarunnaartariaqarput:

- Sukkulaaq qimminut toqunartuuvoq, toqussutigisinnaavaallu. Qimmeq angivallaanngitsoq, sukkulaamik 300 imalunniit 400 gramimik sukkulaatitorpat, tamanna ernumanarluinnarpoq. Tassami tartuanut sunniuteqarnerlussinnaavoq, qimmerlu uummalliortilersinnaavaa.

Aamma juullimi poortugarpassuit uumasusunut navianaateqarput. Soorlu qimmip qitsuulluunniit poortuutissaq baåndiluunniit qilerutissaq iisoorpagit, taakku aqajarua pilallugu peerneqartariaqartut, Jørgen Mikkelsen ilisimatitsivoq.

Pisarnerit malillugu uumasuutit nerisittassavat, juulleraluarpalluunniit, siunnersuummi ilaatigut taama oqaaqqissaarisoqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq