Uumasuuteqarsinnaanngorusuttut atsiortinneqaqattaartut

Inissiarsuarnii uumasuuteqarsinnaanerup inerteqqutigineqarunnaarnissaa anguniarlugu atsiornernik katersisoqaleruttorpoq.

Iluarsisaq 13.15 agustip aappaa 2018

Avannaani inissiani qitsuuteqarsinnaaneq Maniitsumiillu kujataa ilanngullugu qitsuuteqarsinnaanerup qimmeqarsinnaanerullu inerteqqutaajunnaarnissaa anguniarlugu atsiortitseqattaartoqarpoq.

Otto Kielsen qitsunnik nuannarisaqartuuvoq qitsuuteqartuaannarlunilu.

-Qitsuit asanartarnermik sukisaarsaatigalugit. Inequnartarnermik inunnut asannittaqigamik aamma, Otto Kielsen taama oqarpoq.

Otto Kielsen qitsuaraataalu Nanu Kommune Kujalliup Qaqortumi  inissiaataani akuersissuteqarluni uumasuuteqarfigineqarsinnaasumi najugaqarput.

Inissiarsuarmullu qitsuuteqarfioqqusaangitsumut qimmeqarfigeqqusaangitsumullu nuuttussaavoq,  qitsuutinilu nooqatigerusukkaluarpaa.

-INI AS-ip inissiaataanut nuuttussaagama qitsuaraq nassarusukkakku INI A/S-ip inissiaataanut.

Kisimiinngilaq

Otto Kielseniinnaanngilarlu uumasuuteqarusukkaluartoq. Nuummi najugallit ilaat illumiit inissiarsuarmut nuuttussat qimmertik aamma nooqatigerusukkaluarpaat.

- Illu najugarput qimmiuteqarfigeqqusaasoq qimattariaqalerparput oqoqarnera pissutaalluni, inissianullu nuuttariaqalerluta qimmiuterpullu nassarsinnaanagu. Nassarusukkaluarparput soorunalimi meeqqatta pigigamikku.

Namminersorlutik Oqartussat kommunillu Inissiaataanni qitsuuteqarsinnaanerup inerteqqutigineqarnerata atorunnaarsinneqarnissa anguniarlugu, kiisalu Maniitsumiit kujataa ilanngullugu inissiarsuarni qitsuuteqarsinnaanerup qimmiuteqarsinnaanerullu inerteqqutaanera atorunnaarnissaa anguniarlugu Dea Brandt Frederiksen danskit nittartagaat skrivunder.net-ikkut atsiornernik katersuileruttorpoq.

Atsiornernik katersisup atsiornerit katersukkani inatsisartut ukiaanerani ataatsimiilerpata tunniunniarpai.

-Inatsisiliorsinnaapput, periarfissarpassuaqarpoq.

Inissiarsuarni ataatsimoorussanik isaariaqarfiusuni qitsuit qimmillu inerteqqutaajunnaarnissaat anguniarlugu nittartagaq skrivunder.net atorlugu atsioqataasimasut maannamut 300-it tungaanut amerlassuseqarput.

Iluarsisaqarpoq, Namminersor Oqartussat kommunillu inissiaatanni qituuteqarnissamik qimmiuteqarnissamilluunniit inerteqqut Inatsisartut peqqussutaanni 2005-imeersumi allassimavoq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat