Uumasut suulluunniit pillugit nutaamik inatsiseqalertoq
- Uumasut tunngaviusumik inatsisissaannik maanna peqalerpugut. Inuit uumasuutillit maanna taava takusinnaalissavaat uumasut atugarissaarnissaat pillugu qanoq nammineq iliuuseqarsinnaalissanerlutik, inuussutissaqarnermut aalisarnermullu ministeri Mogens Jensen, oqarpoq.
Uumasunik illersuiniaqatigiiffiup Dyrenes Beskyttelse naapertorlugu Danmark uumasut atugarissaarnissaannut tunngatillugu maligassiuisunngorpoq:
- Oqaluttuarisaanermi pingaaruteqarpoq, uumasummi isigisaqartuullutillu tusaasaqarsinnaanerannik ataqqinnittoqarnerunissaa inatsisitigut siullerpaamik qulakkeerneqarpoq, Dyrenes Beskyttelse oqarpoq.
- Inuit amerlanerit tamanna nalunngilaat, Danmarkili nunarsuarmi nunani siullersaalluni tamanna inatsisinngortippaa, Britta Riis, Dyrenes Beskyttelsep pisortaa, oqarpoq.
- Politikeritta uumasut atugarissaarnissaannik pingaartitsinerannik avammut takutitsineruvoq pingaarutilik, taanna aamma oqarpoq.
Uumasut assersuutigalugu cirkusini takutitsisartut, soorlu nagguaatsut søløvellu, atorneqaqqusaajunnaarnerannik inatsisitigut aamma periarfissanngussaaq, Mogens Jensen taama oqarpoq.
Uumasut suugaluartulluunniit paatinneqartarnerat aamma inerteqqutaalissaaq.
Hiistillu kisimiitinneqaqqusaajunnaarput, inuussutissaqarnermut ministeri oqarpoq.