Uumasut nuttarnerat silaannaap sunnerpaa

maajip 08-at 2007 07:20

Uumasut nuttartut, soorlu arferit timmissallu nuttarnerat silaannaap kissakkiartorneranit sunnigaavoq, tassa uumasut ilaat piffissami ukiiffissarinngisaminni aasiffissarinngisaminniluunniit nuuttalersimapput, ukiiffissarinngitillu imaluunniit aasiffissarinngitik nuuffigisalersimallugit, Naalagaaffiit Peqatigiit silaannaap allanngoriartornera pillugu nunanut 166-inut ataasinngormat isumaqatigiinniartitsinermini tusarliussivoq.

- Uumasut nuttartut silaannaap allanngoriartorneranit sunnigaasut ilaatigut tassaapput aarluarsuit, imangertat tuttuusat saaniluillu, Naalagaaffiit Peqatigiit uumasut nuttartut pillugit isumaqatigiissutaannik aqutsisoqarfimmi pisortaq Lahcen el Kabiri oqarpoq.

Uumasut piffissaq sioqqullugu kingusinaarlutilluuniit nuttartut kiassuarmit issimit panernersuarmillu toqquteqartut amerlanerulissasut Naalagaaffiit Peqatigiit ilisimatitsissutigaat.