Uumasut nungutaanissaminnut aarlerinartorsiortut
Annaassiniarnernut pitsaasunik takussutissaqarpoq, kisianni uummasut ima amerlatigut navianartorsiorput, neriuutissat ikitsuinnanngorsimallutik.
Uummasut nungutitaanissaminnut navianartorsiortut suli amerlaqaat, naak ilisimasassarsiortut akuutunngitsunik uummasunik nutaanik nassaartaraluartut, aamma qiimaallannartunik tusarlerneqartaraluarluta, soorlu nannut Pandat pillugit.
Suli uummasorpassuit nungutitaanissaminnut navianartorsiorput. Ilisimatusarnikkut atuagassiaq 'Signs' malillugu uummasut qimerlullit tallimararterutaat navianartorsiorput.
Ilisimatusarneq FN-ip ummasut assiinngitsut pillugit ataatsimeersuartitsinerani saqqumiunneqarpoq Japanimi illoqarfimmi Nakoya-mi saqqummiunneqarpoq, tassanilu peqataasut misiliipput uummasut assigiinngitsut amerlasussaannik isumaqatigiinniarsaralutik, uummasullu assigiinngitsut ikilisarneqannginnissaannut aqqutissat.
Assersuutigalugu piviususortituua anguniagassatut siunniutissallugu uummasunik nungutitaasarnerit unitsinneqassasut 2020-mi, imaluunniit nunarsuatsinni akueriinnartariaqarparput tamanna ajornartuusoq.
Ilisimatuut malillugit uummasut amerlanerpaat ullumikkut ajornartorsiortut Asiap kujataata-kangianeersuupput, tamaani orpipassuarnik piiaaneq sukkasoorujussuarmik ingerlammat. Nunarsuaq tamaat isigalugu ullumikkut miluumasut sisamararterutaat navianartorsiorput, paarngortullu akornanni 42 %-it navianartorsiorlutik,assersuutigalugu DK-mi naraseq Klokkefrø-mik atilik.
Nakoya-mi FN-ip ataatsimeersuartitsinerani isumaqatigiilluartoqarsinnaavoq uummasut assigiimmgitsut amerlassusaat sapinngisaq malillugu illersorneqartariaqartut, kisianni nunat suliffissuaatillit nunallu ineriartorfiusut akornanni aningaasalersornissaa annertuumik isumaqatigiinngissutaavoq, aamma aningaasat apeqqutaassapput uummasut assigiinngitsut annaanneqarnissaannut.
