Uumasut nakorsaat: Nitrit annertunaarlugu aatsaat ulorianarpoq
- Natriumnitrat aqajaqqumiittarpoq tassanipullu nitrosaminer. Terissat terisarsuillu misileraatigineqartarnerisigut paasineqarnikuuvoq nitrosaminer annertuumik timimiitillugu kræfteqalissutaasinnasoq. Taamaattumik nitrosaminer inuup timaaniitillugit inalugarsuakkut kræfteqalersitsisinnaapput, uumasut nakorsaat Mads Thor Madsen oqarpoq.
Nitritip aalisakkanut akuutigineqarnissaa Kalaallit Nunaanni EU-milu inerteqqutaavoq, pissutigalugu nakkutiginissaa ajornakusoornerummat, pingaartumik aalisakkanik pujooritilluni. Nitrit allanngutsaaliuinermut atorneqartarpoq, tassalu imaappoq aalisakkat piusinnaassusiat sivitsorniarlugu, taannalu atoraanni aappalaartunngortitsisarpoq aalisakkani pujuukkani takuneqarsinnaasutulli. Aalisakkanik suliffinni nitritip atorneqarnerata Uumasut nakorsaasa pisortaat misissuinermik paasisitsiniaanermillu ingerlatsivoq,
Pujuukkat tuniniarneqarsinnaanerinut pujoorisussamut akuersissummik tunniussigaangatta inatsisit pillugit paasissutissiisarpugut pujoorinermillu suliaqartoq nitrit imaluunniit nitrat aalisakkanut tunisassassianut atorneraat malinnaaffigalugu. Nalaataqarnikuunngilagullu tamakku aalisaakkanut tunisassiani atorneqartarnerannik, uumasut nakorsaat Mads Thor Madsen oqarpoq.
Taanna aamma oqarpoq aalisakkat pisiniarfinni pisiarineqartartut nitrit-imik akuneqartarsimanersut atuisartutut paasiniarnissaanni qanoq iliortoqarsinnaanngitsoq.