- Kitaani Canadamilu Issittumi uumasut kviksølveqarnersaapput, sivisuumik ilisimatusarsimasoq, Christian Sonne, oqarpoq. Taassuma misissueqatigaa ilisimatooq Rune Dietz.
Avatangiisit pillugit Misissuiviup nittartagaani tamanna allaaserineqarpoq.
Nannut 50-it missaasa qarasaat, natsiit aqqaneq-marluk, niisarnat arfinillit Danmarkimilu niisat tallimat qarasaat ilisimatuut misissuataarsimavaat. Qarasaminerngit maanna misissorneqassapput, kviksølvi uumasut timaannut qanoq sunniuteqartarnersoq ilisimatuut taamaasillutik paasissammassuk.
Uumasut qanoq meqqoqartiginersut aamma apeqqutaasarsimavoq.
Ilisimatusarnermi aamma paasiniarneqassaaq, kviksølv inuup qarasaanut qanoq sunniuttarnersoq - tamannami pillugu ilisimasat maannamut annikipput.
Uumasut qarasaanni kviksølvimik nassaartoqaraluartoq, uumasut peqqissusaannut ajoqutaanersoq oqaatigineqarsinnaanngitsoq, Christian Sonnep erseqqissaatigaa.