Uumasunik toqoraavik nutaaliaq Narsami aallartissinnaagunarpoq

Uumasunik toqoraavik Neqi A/S-p ingerlataa maanna nutaanngilimmat nutaamik pilersitsinissaq Kalaallit Niuerfiata KNI-p misissulerpaa.
aggustip 10-at 2010 09:43

KNI misissueqqissaartitsilluni aallartereerpoq. Misissueqqissaarnermi allaaserineqassapput uumasunik toqoraavissap pilersinneqarnerani nutaamik anguniagaqarnermi iliuutsip kinguneri.

KNI A/S-ip ippassaq ataatsimeersuarnerani siulersuisut siulittaasuata, Mikkel Skourup-ip ukiumoortumik nalunaarutaani pilersaarut tamannaa erserpoq.

Uumasunut toqoraavimmik nutaamik pilersaarutip siunertaraa, Kujataani suliffissaqartsitsiniarnermeq aammalu ilinniakkanik nutaanik pilersitsisinnaanissaq, Mikkel Skourup oqarpoq.

Decembarip ingerlanerani KNI A/S-ip siulersuisuunerisa pilersaarut aalajangiiffigissavaat.

Mikkel Skourup nalunaarusiamini aamma eqqaavaa, sullissinissat eqqarsaatigalugit Naalakkersuisut aningaasanik sipaaqqusinerisa, suliffeqarfissuarmut aammalu suliffeqarfissuup pisiniartartuinut tamanna sunniuteqarsinnaammat.

Sullissinermi isumaqatigiissutip annikillisarneqarnissaani Namminersorlutik Oqartussat aamma KNI-p qanimut oqaloqatigiilluarnissaat pisariaqartoq aamma Mikkel Skourup oqaatigaa.