Uumasunik ilisimatooq: Nannut toqorarunnaarlugit
Nannut saassussisarneri amerlagisassaanngitsut paasissutissat pigineqartut takutippaat. Canadami ukiut 22-t qaangiupput nanoq innummat, Alaskamilu ukiut 30-t kingulliit ingerlaneranni inuk ataaseq nannumit saassutsinnermi kingorna toqusimavoq.
- Isumaqarpunga nanoq sinerissatsinnut pisoq pisarinagu ilisimajunnaartinneqartariaqartoq. Ajornanngitsunnguuvoq, uumasunik ilisimatooq Ævar Petersen Islandimi nutaarsiassaqartitsivimmut visir.is-imut oqarpoq.
Taanna isumaqarpoq, nannut peqqissut Reykjavikkip Uumasuusivianut inissinneqarsinnaasut, imaluunniit Kalaallit Nunaannut utertillugit imaluunniit sumiissusersiummik GPS-imik nassitsissutilerneqarsinnaasut, aggerfimminnut utissanersut malittarineqarsinnaaniassammat.