Kukiffaajooq assimiittoq Finlandimeersuuvoq.Assi: Scanpix

Uumasumik takornartamik Qaanaami siumuisut

Sianigalusi. Kukiffaajooq inigisatta eqqaani takuneqarpoq. Qaanaami facebookikkut taama mianersoqqusisoqarpoq. Uumasoq takuneqartoq kukiffaajuujusoq politiit uppernarsarpaat.

Qaanaamiut Facebookimi allagarsiivianni sapaammi unnukkut qulingiluap missaani mianersoqqussummik najugaqartut aalassaatigeqisaannik allattoqarpoq:

- Sianigalusi. Qappik/kukiffaajoq inigisatta eqqaani napparsimaviup illuutaata, illorput 2000 aappaluttup saniani takuneqarpoq. Inersimasut marluk takunnittuupput. Meeqqat inersimasullu tamassi sianigalusi, taama mianersoqqussut nipeqarpoq.

Kukiffaajooq
- Kukiffaajooq uumasunut toqoraasooqqaanut ilaavoq.

- Miiterisut angitigilersinnaavoq tuimilu nalaani centimeterinik 45-nik portussuseqarsinnaalluni.

- 30 killunngorsinnaavoq, arfinnillit aqqaneq-marlullu akornanni ukioqalersarpoq

- Sakkortuumik kiisisarpoq, quartorsinaalluni uumasullu angisuut patitorfiginiarlugit saarngi qaqqulaarsinaallugit.

- Kukiffaajooq Nunatsinni eqqissisimatitaalluinnarpoq.

- Akornusersoqqusaanngilaq. Piaqqiorfia qanillattoqqusaananilu eqqissisimatitaasussaavoq.

- Kukiffaajuumik toqungasumik nassaaraanni pinngortitamut avatangiisinullu Naalakkersuisoqarfik tunniunneqarnissaa piumasaqaataavoq.

Mianersoqqussut Facebookimi siammarterneqapallappoq, sivitsunngitsoq siammarterisut 100-t sinneqalerlutik. Kukiffaajooq suunersoq amerlasuut apersuutigaat, apeqqummullu uumasup suuneranik assimik isiginnaagassiaaqqamilluunniit takussutissiilluni akisoqartarpoq.

- Pullasersortoqarilitoq, toqqissisimananngilaq qutsissumi najugaqarluni, qisuariartut ilaat allappoq.

Politiit: Tumaanik siumuivugut

Kukiffaajuumik Qaanaap eqqaaniittoqarsimasoq Politiit uppernarsarpaat. Illoqarfiup silatinnguani tuminik nutaanik siumuillutik KNR-imut oqaatigaat.

- Kukiffaajooq Kalaallit Nunaanni nalinginnaasumik eqqissisimatitaavoq, taamaammat aatsaat qaasuppat illoqarfimmulluunniit pippat politiinit qanoq iliortoqassanersoq aatsaat aalajangiiffigineqassaaq, Qaanaami politeeqarfimmi pisortaq Torben Heckmann oqarpoq.

Qaqutigoortoq

Kukiffaajooq Kalaallit Nunaanni qaqutigoortorujussuusoq, inunnullu qaninnguukkajuttuungitsuusoq Pinngortitaleriffimmit paasissutissiissutigaat.

- Kukiffaajooq qaqutigoortorujussuuvoq. Qaanaamilu takuneqartoq Canadamiit ikaarsimasinnaavoq, Kathrine Raundrup oqarpoq.

Kukiffaajuut silutuumasuuvoq, nersutinilli aamma piniartarluni. Timmissat, tuttut nannulluni nammineq aamma pisarisinnaasarpai.

Kukiffaajuut nunatsinnut Canadamit ikaarsimasut siumorneqartareersut Kathrine Raundrup oqarpoq. Qaanaallu eqqaani maanna takuneqartup angutiviaanissaa Canadamiillu aamma ikaarsimanissaa ilimanarnerarpaa.

Kukiffaajuumik toqungasumik nassaarsimagaanni pinngortitamut avatangiisinullu pisortaqarfimmut tunniunneqarnissaa piumasaqaataavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat