Uumassusillit tappiorannartut nunatsinni aalisarnermut navianartorsiortitsisinnaapput
Norgemi ilisimatusarnerni nutaani taama naliliisoqarpoq. Ilaasut annanniutit ulissuisa plastikkit ataanni toqqoqqasut soorunami pineqanngillat, pineqarpulli inuit umiarsuit timitaatigoorlutik ikisartut, imaluunniit immamut oqimaalutassamut qaqinneqartumut iluatsitsillutik ikisimasut.
Taamaaliorluni ilumut Issittup imartaani iluatsitsisoqarsinnaasoq ilisimatuunit aatsaavissuaq kisitsisilerneqarpoq. Aarhus Universitetimit tusagassiuutinut tamanna nalunaarutigineqarpoq. Immap nillertarnerujussuata siornatigut tamanna ingalassimaartittaraluarpaa, sialli pissusiata allanngoriartornerata maanna ajornannginnerulersillugu - allaat Issittup Imartaani.
Umiarsuit, Svalbardimut 2011-mi tikittut ilisimatuut misissorpaat, taakkulu pingajorarteruaasa missaat isertortunik ilaasoqarnissaminnut aarlerinartorsiorput, taakkulu tassa Norgep avataani immami annassinnaapput. Issittumilu immani arlalinni aamma taamaattoqarsinnaavoq, sivisuumik ilisimatusarsimasoq, Mary Wisz, Aarhus Universiterimi sulisoq, misissuinermilu peqataasoq, isumaqarpoq.
Issittup imartaani suli maleruagassaqanngilaq. Imaq oqimaalutarineqartartoq pillugu Naalagaaffiit Peqatigiit Imarsiornermut Peqatigiiffinnit, IMO-mit, isumaqatigiissummut Danmark ilanngunnikuuvoq, umiarsuarnullu isertorlutik ilaasartut amerliartuinnarnerat imaq oqimaalutarineqartartoq aqqutigalugu unitsinniarneqarsinnaavoq. Isumaqatigiissutip 2015-imi atuutilern issaa ilimagineqarpoq, Kalaallit Nunaalli suli atsiunngilaq. Umiarsuarnut isertorlutik ikisartut qanoq pinngitsoortinneqarsinnaanerat pillugu umiarsuaatillit aamma inatsiseqanngillat, IMO-li arlalinnik najoqqutasasqarpoq, tamakkulu malinneqartarnissaat kaammattuutigineqarpoq.
