Uuliasortussanut ilinniarfissaq eqqarsaatigineqalerpoq
Taassuma pilersaarutigaa ilinniarfissamik nutaamik ammaasoqassasoq, Sermitsiaq ullumi taama allappoq.
Palle Christiansen ulluni makkunani Esbjergimiippoq. Esbjerg aalisarnermik inuussutissarsiuteqarnerusimasoq, ukiuni 30-ni kingullerni Nordsømi uuliamik aamma gassimik qalluinermi umiarsualivittut ineriartortsinneqarsimavoq.
Esbjergip pikkorissarnermut qitiusoqarfiata, AM-Vestip ukiut tamaasa inuit 18.000-it ilinniakkanik naammassisittarpaat.
Ilinniarfimmi pisortaq, Poul Viggu Fischeri piareersimavoq Naalakkersuisut suleqatigalugit Kalaallit Nunaanni ilinniarfimmik taamaattumik pilersitsissalluni.
- Uuliamik qalluisoqarlersinnaanera uungaralaakasinngorsinnaasoq eqqarsaatigalugu, ilinniarfinnik taamaattunik eqqarsartariaqalerpugut, Esbjergimit neqeroorummut alutorsaqisoq, Palle Christiansen oqarpoq.
Ilinniartitaanermut Naalakkersuisoq, Mimi Karlsen ataatsimeeqaseriniarlugu Palle Christiansenip qaaqqussamaarpaa, uuliasioqatigiiffiillu peqatigalugit ilinniakkat sorpiaat Kalaallit Nunaata pisariaqartinneraat paasiniassallugit.
