Uuliasiornissaq tapersersorneqarpoq

Atuartartut amerlanerussuteqarluartut Qeqertarsuup avataani misiliilluni uuliasiornissat tapersersorpaat. KNR-ip nittartagaani isumasiuinerup tamanna takutippaa.
Allattoq Louise M. Kleemann
juunip 18-at 2010 09:46

Taasisut maannamut 832-iupput taakkunanngalu 611-t misiliilluni qillerinissat akuersaarpaat, 173-illi naaggaarlutik. Taakkua saniasigut 48-it toortagaq ’naluara’ toorsimavaat.

Sermitsiaq.ag-mi atuartartunik isumasiuinermi assingusumi inernerugallartoq aaamma taamatut isikkoqarpoq. Tassani 386-it akuersaartut 94-it naaggaarlutik, 18-it apeqqut isummerfiginngikkaat.

Misiliilluni qillerinissat taamaalillutik innuttaasunit tapersersorneqarluarnerat maannamut isumasiuinerit takutippaat.

Qeqertarsuup avataani misiliilluni qillerinerit inerneri siulliit aggustimi septemberimiluunniit saqqummiunneqarnissaat ilimagineqarpoq.

Cairn Energyp aktianik tuniniaanermini tamanna aamma ajunngitsumik malugivaa. Ilimasunneq assingalugu suliffeqarfiup aktietaasa nalingi maanna qaffakkiartulereersimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq