Uuliasiornissaq isumalluarfigaat

Kalaallit Nunaataa Uuliasiornermit aningaasanik isaatitsilernissaaa suli ungasippoq. Qeqertarsuup Nuussuullu avataani uuliaqarneranik qanittumi misissuilernissaq iluatsittumik kinguneqarpat, taava uuliasiorfiit nunanit tamalaaneersut uuliamik qalluilernisasannut ukiut qulit 15-it suli ingerlasinnaapput.

Nunaoil A/S-ip pisortaa, Hans Kristian Olsen, Itisilii¬nermi ippassaq aallaakaatinneqartumi taama oqarpoq.

Nunaminerals A/S-ip pisorta, Ole Christiansen, tapersiivoq oqarluni, Nanortallup eqqaani Nalunami guultimik ujarlernerup aallartineraniit piiaalernermut ukiut aqqanillit ingerlasimasut.

Uuliamilli ilumut nassaartoqassangaluarpat Nunarput milliarderpassuarnik isaatitsilersinnaavoq. Hans Kristian Olsen-ip ilimagaa, maqitsivimmit ataatsimit nunarput ukiumut 500 millioner kroninik isertitsisarsinnaasoq.

Namminersorneq pillugu isumalioqatigiissitami ilaasortap, Kuupik Kleist-ip, erseqqissaqqippaa, Nunarput aatsitassanit aningaasaateqarfiliortariaqartoq. Aningaasaateqarfiup Nunatta namminersortunngornissaa piviusunngortissinnaagaa, oqarpoq.