Alaskami nunani eqqissisimatitami uuliasiorneq akuerineqassasoq USA-mi inatsisartut Repræsentanternes Hus-imeersut, ippassaq unnukkut aalajangerput.
- Pinngortitamik aseruisussaanngitsumik uuliasiulernissap akuerineqarnera nuannaarurigaara, præsident George W. Bush oqarpoq.
Uuliamik nassaartoqarnera USA-p isumannaallisaaneranut iluaqutaassasoq præsidenti oqarpoq, taamaasillunilu USA-p nunat allat uuliaataannik pinngitsuuisinnaanera appariaallappoq.
Præsident Bush-ili immaqa nuannaajaarpallaarpoq. Uuliasiornissamik Repæsentanternes Hus-imi akuersineq imaassinnaavoq Senat-imi akuerineqanngitsoortoq, siornatigummi Alaskami nunami eqqissisimatitami uuliarsiornissaq Senat-imi arlaleriarluni itigartinneqartareersimavoq. Alaskami uuliasiornissap akuerineqarnerata Senatimit itigartinneqarnissaa ilimagineqalereerpoq.