Uuliasiornissamut akueritittut ualeru saqqummiunneqassapput

Uuliaqarneranik misissuinissamik akuersissut nutaaq aatsitassat pillugit naalakkersuisumit ualeru atsiorneqassaaq. Tamanna uuliasiorfiit amerlanerulernissaannik, nunarsuarmilu uuliasioqatigiiffiit soqutiginninnerulernissaat kinguneqassangatinneqarpoq. Nuna Oil-ip pisortaa Hans Kristian Olsen isumalluaqisoq oqarpoq, nassaartoqassanersoq nalunarallartoq, misissuinerillu ukiuni arlalinni ingerlanneqartussap tamanna takutikkumaaraa.

- Ullumikkut paasisat tunngavigalugit uuliasioqatigiiffinni selskabi ataaseq qinnuteqaqqissimavoq, taassumali sanatigut selskabit arlalissuit sajuppillatsitsilluni misissuinissamik pisisimapput. Oqaatigineqarsinnaavoq uuliasiornissamik soqutiginnittut malunnartumik ukiuni kingullerni amerlisimanerat, Hans Kristian Olsen oqaluttuarpoq.

Isumaqarportaaq uuliasioqatigiiffiit anginersaasa ilaasa soqutiginninnerat ilumut uuliaqarneranik isumalluartoqarneranut ersiutaasoq.

Uualiamik nassaartoqassagaluarpat tamanna nunatsinnut aningaasatigut suliffissaqarniarnikkullu annertuumik iluaqusiissasoq Hans Kristian Olsen oqarpoq.

Ualeru nalunaaq marlunut tusagassiortunut katersortitsinermi selskabi sorleq misissuinissamut akuerineqarnersoq nalunaarutigineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat