Uuliasiornissamik aatsitassiornissamillu soqutiginnittut naapilerpai
Inuussutissarsiutinut Aatsitassanullu Naalakkersuisoq Ove Karl Berthelsen januarip arfineq-aappaani kalaallit aallartitaqarfiani Københavnimi katerisimaartitsiniarpoq.
decembarip 15-at 2010 09:45
Tassani danskit nunallu allamiut nunatsinni uuliasiornissamik aatsitassarsiornissamillu soqutiginnittut naapinniarpai.
Kalaallit Nunaanni aatsitassarsiornerup piorsarneqarnissaa aamma uuliamik qalluisoqalerpat aningaasaateqarfimmik pilersitsinissaq eqqartorneqassaaq.
Ove Karl Berthelsen-ip Namminersorlutik Oqartussani Aatsitassarsiornermut Aqutsisoqarfimmi pisortaq Jørn Skov Nielsen ingiaqatigissavaa, taassumalu aatsitassarsiornikkut ullumikkut killiffiit oqaluttuarissavai.
Aamma uuliasioqatigiiffik Cairn Energy ukiortaami naapinnermi peqataassaaq. Skotland-imiut suliffeqarfiutaanni inatsisitigut pisortap Simon Thomson-ip Kalaallit Nunaata eqqaani uuliasiornermit misilittakkatik pillugit saqqummiisaaq.
