Uuliasiornermut aatsitassarsiornermullu periaasissaq Nuummi ullumi tusarniaassutigineqassaaq
Tusarniaaneq Nuummi Katuami nalunaaqutaq ulloqeqqaniit unnugu arfernup tungaanut pissaaq KNR-TV-kkullu aallakaatinneqassalluni.
Tusarniaanermi periaasissap imarisaa siunertaalu pillugit aamma unammilligassanut tunngasunik siamasinnerusumik oqallinnissaq ilisimasaqalernissarlu siunertaralugit, uuliasiornermut aatsitassarsiornermullu tunngasunik oqallittoqassaaq.
Immikkut ilisimasallit soqutiginaatillillu arlallit tusarniaanermut aggersarneqarput. Professor Minik Rosing aamma ICC-p siulittaasua aqqaluk Lynge saqqummiussaqassapput.
Oqallinnermi kikkulluunniit apeqquteqarnissaminnut periarfissaqartut tusarniaanermut qaaqqusissummi oqaatigineqarpoq, tamannalu tassa pissalluni ullumi nalunaaqutaq 11.30-mit 18.00-ip tungaanut.