Uuliasiorfissuaq nunatsinniilerpoq

Malaysiamiut uuliasiorfissuat Skotlandimiut uuliasiorfiannut Cairn Energymut piginneqataalerpoq.Cairn Energy uuliasiorfissani arfinilinni Qeqertarsuup avataani misissuiffissaqartoq, 10 procentinik Petronas International Corporation Ltd-mut tunisivoq.
Allattoq Else Løvstrøm
oktobarip 15-at 2009 15:16

Uuliamik nassaartoqassappat Petronas International Corporation 20 procent tikillugu piginneqataalersinnaavoq.

Nunaoilip pisortaata, Hans Kristian Olsenip suleqatigiilerneq pitsaasutut nalilerpaa. Taamaasillunimi Cairn Energyp qillerinissamut aningaasartuutini allanik peqateqarluni matusinnaanngussagamigit. Cairn Energyp naatsorsuineri malillugit qillerineq ataaseq 500-600 millioni koruuninik naleqarpoq.

- Pisoq nunarsuatta sinneranut nunatta uuliaqarfittut soqutigineqarneranik taamaalilluni naqissuserneqaqqippoq, Hans Kristian Olsen oqarpoq.

Petrona nunarsuatsinni suliffeqarfissuit annerit 500-it akornganniippoq. Kangiani misilittakkami saniatigut Ruslandimi gassimik uuliamillu tunisassiornermik misilittagaqarluarpoq.

Petronas aamma Qimusseriarsuarmi Cairn Energy peqatigalugu uuliasiorniarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq