Uuliasioqatigiit tamatumuuna qinnuivigineqarsimapput siornatigut qilleriffiusimanngitsuni misileraaqqullugit.
Uuliasioqatigiit Savalimmiut kujataatungaanni kangiatungaannilu qillerinissaminnut akuersissutinik maannamut pereerput, tassa immami tuluit oqartussaaffigisaanni, Shetlandip qeqertaasa Savalimmiullu killeqarfiisa akornanni.
Tamanna kuulteqarfiup teqeqquanik aamma taaneqartarpoq, tuluimmi killeqarfiup taassuma illuatungaani uuliamik milliardi koruunerpassuit nalinganut qalluisarput. Savalimmiut imartaat Shetlandip qeqertaanut qanittumiittoq uuliasiorfigissallugu maannamut aamma soqutigineqarnerpaasimavoq.