Uuliasioqatigiiffissuaq BP suli ulapinnerulissaaq

Uuliakoornerli aallartimmat aningaasanik taarseeqqusissutit 15.000-it BP-p tigoreerpai. Aviisimi Politikenimi tamanna allaaserineqarpoq, ilutigalugu oqaluttuarineqarluni, BP 2.500-inut manna tikillugu taarseereersimasoq.

Taarsiivigiteqqusulli aningaasanik qanoq amerlatigisunik piumasaqartarnersut uuliasioqatigiiffiup oqaatigiumanngilaa, aamma qanoq amerlatigisunik maannamut taarseereernerluni oqarumanani.

Suliffeqarfissuulli nassuiaatigaa, nappartat uuliamik imallit 151.000-it immap qaavaniit katersorneqareersut, inuillu 19.000-it, kiisalu umiarsuit 650-it, uuliakoornermik unitsitsiniarsarisut.

Uuliakoorneq qaammatip ataasingajaap matuma siorna aallartippoq, USA-llu sineriaa illersorniarlugu 600 kilometerinik takissusilinnik puttasunik assiaqutsersorneqareerpoq.