Uuliasioqatigiiffiit ataatsimoorfeqalerput
Ingerlatseqatigiiffiit arfineq-marluk peqatigiiffimmik aallartitsisut Kalaallit Nunaata sineriaani misissuinissamik akuersissuteqarput. Peqatigiiffimmi siulittaasuuvoq Arne Rosendkands ingerlatsivimmi Dong Engergy sulisoq, siulittaasup tulleraa Ian Waat tuluit ingerlatseqatigiiffianni Cairn Energeymeersoq.
- Kalaallit Nunaanni suliffissuaqarnerup iluatsittumik ineriartortinneqarnissaanut peqatigiiffiup iluaqutaanissaa naatsorsuutigilluinnarparput, Anders Rosenkrands tugassiuutinut nalunaarummi taamatut allagaqarpoq.
Kalaallit Nunaanni olieqarneranik gassimillu peqarneranik ilimasunneq aallaavigalugu nukissiuutinik ingerlatseqatigiiffiit Kalaallit Nunaanni sinniisuutitaqarnissaat pisariaqartinneqarpoq.
Qillerisoqarnerani isumannaallisaaneq pingaartinneqarpoq, avatangiisit eqqarsaatigineqarnissaat ilisimatusarnikkullu ilisimasanik avitseqatigiinnissaq pingaartinneqarluni. Suliniaqatigiiffiup GOIAp siulittaasua tullialu Kalaallit Nunaani pisortat novemberip qaammataani ataatsimeeqatigissavaat.