Uuliaqarneraaneq uppernarsaatissaqanngilaq
Allaaserisalli uppernassusaa nalorninarpoq: Paasissutissiisummi tassaapput tusarfiit kikkuunerminnik taaserusunngitsut, Cairn Energyllu uppernarsarpaa gassimik nassaartoqartoq, kulbrinteqarfeqarlunilu, uuliamillu nassaartoqarnera suliffeqarfiup ukiup affaanut naatsorsuusiaani allassimanngilaq.
Uuliamik nassaartoqarsimaneranik nutaarsiassaq Folketingimi Kalaallit Nunaat pillugu ataatsimiititaliami Dansk Folkepartip ilaasortaatitaata, Søren Espersenip, assigiinngitsunik qisuariarfigaa:
- Kalaallit Nunaat pilluaqqusariaqarparput. Taamaattorli aningaasat isertitassat Kalaallit Nunaannit kisermaanneqassanerannik inatsit Folketingip akuersissutigeqataaffigisimammagu pakatsinarpoq, Søren Espersen TV2-mi nutaarsiassanut oqarpoq, Namminersorlutik Oqartussani inatsit innersuullugu.
