Assi: Kåre Press-Kristensen

Uuliap kinertup atorneqarnerata inerteqqutaalernissaa naalakkersuisut tapersersoraat

Uuliap kinertup HFO-p atorneqarnerata inerteqqutaalernissaa naalakkersuisut tapersersorpaat. Naalakkersuisut tusagassiutinut taama nalunaaruteqarput.

HFO-p umiarsuarnut Issittumi ingerlateqarnerinut assartuussinermullu atugaanerata inerteqqutigineqalernissaa matumani pineqartoq Namminersorlutik Oqartussat nalunaarutigaat.Issittumi umiarsuit HFO-mik ingerlateqarnerinik inerteqquteqartoqalissappat, Kalaallit Nunaanni inuit aningaasaqarnerannut, avatangiisinut silallu pissusaanut kingunerisassanik misissueqqissaarneq Naalakkersuisut suliamut isummernissaminnut utaqqisimavaat.

AAMMA ATUARUK Naalakkersuisoqataasut HFO-mut isummernissaminnut tunuarsimaanngitsut

Misissueqqissaarnerlu maanna piareertoq naalakkersuisunit nalunaarutigineqarpoq, HFO-llu Issittumi umiarsuit ingerlateqarnerinut assartuussinermullu atorneqarnerinut inerteqquteqalernissamut tapersiiniarlutik nalunaaruteqarput.

HFO-p umiarsuarnut ingerlatitut atorneqarneranik inerteqquteqalerneq inuiaqatigiit aningaasaqarneranni ukiumut 8,1 mio. koruunit missaannik aningaasartuuteqarfiussasoq misissueqqissaarnerup takutippaa.

HFO-p issittup imartaani pinngitsoorniarneqarnissaanut umiarsuit ajunaarneri, HFO-mik immami avatangiisinut kuuttoqarneranik kinguneqartut avatangiisinut aningaasaqarnermullu annertuunik kinguneqarsinnaaneri pingaarutilerujussuartut peqqutaavoq.

AAMMA ATUARUK HFO erseqqissumik inatsisiliuunneqartariaqarpoq

AAMMA ATUARUK HFO-mut ilisimasat naammapput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat