Uuliap akitsoriapiluunnginnissaa KNI-mit misissorneqarpoq
Nunarsuarmi uuliap akiata qaffakkaluttuinnarnerata kingunerisaanik nunatsinni uuliamik pilersuinerup ukiuni tulliuttuni marlunni akitsoriapiluunnginnissaa anguniarlugu KNI-p uuliamik pilersuisuisua Polaroil misissuisitsivoq.
Allattoq Louise M. Kleemann
marsip 28-at 2008 08:23
- Ungasinnerususoq isigalugu qanoq sillimmartaartigissanerluta misissussavarput, taama oqarpoq KNI-p siulersuisuinisiulittaasuat Simon Olsen.
-Uuliap qaffariataarnissaa ernummassutigerusunnanngilaq, taamaakkaluartoq qanoq pisoqarsinnaanera suli nalunarpoq. Akitsuisoqassagaluarpat akisuallaannginnissaa anguniarlugu misissuisoqartussaavoq, Simon Olsen oqarpoq.
KNI-p pisortaanerata Søren Lennert Mortensenip ilanngullugu oqaatigaa, uuliamik akuiaanermi akit qaffappata, uuliap akiata annikitsumik qaffanneqarnissaa naatsorsuutigineqarsinnaassasoq.
