Uuliap akiata apparnera atuisartunut iluaqutaassanngilaq
Allattoq Najaaraq Egede
aggustip 10-at 2007 05:11
Uuliap akia appariartulissagaluarpat pisisartunut iluaqutaanavianngilaq.
Uuliamik atuineq naalakkersuisunit killilersimaartinniarneqarpoq, CO2-mik aniatitsinerup annikillisarniarneqarnissaa anguniarneqarluni.
CO2 silap kiatsikkiartuinnarneranut pissutaasarpoq.
KNI A/S-ip uuliamik pisinermi akiliutigisartagai appariartoraluartut atuisut uuliamut akiliutigisartagaat naalakkersuisunit appartinniarneqanngillat.
KNI A/S-ip sinneqartoorutai qaffassapput, taamalu Namminersornerullutik Oqartussanut akiliutigisartakkat qaffassallutik.
Uuliap akiata appannginneratigut taamaalilluni KNI A/S-ip ukiumut 18 millioni koruunit 2008-miit isertissinnaassagai naalakkersuisut inatsisartut aningaasanut inatsisissatut siunnersuutiminni nalunaarput.
