Uuliap akia apparaluttuinnarpoq
Uuliap akia nappartamut 40 dollarimut
ualeq manna Londonimi appartinneqarpoq. 2005-imili taama appartiginikuunani.
Allattoq Elisa Isaksen
Uulia nappartamut aasaq juulimi 147 dollarinik akeqarpoq. Nunarsuarmili pissanngatigineqartumik aningaasatigut ajornartoorneq ilutigalugu uuliap piumaneqarnera annikilliartuinnarpoq, taamaattumillu
akikilliartuinnarluni.
Amerikami aningaaseriviup Merrill Lynch uuliap ukiuni tulliuttuni akikilliartuinnarnissaa naatsorsuutigaa oqaatigalugulu uulia nappartamut 25 dollarinik, tassa 125 koruunit missaannik akeqalersinnaasoq.
Tuluit aviisianni The Guardianimi taama allaaserinnittoqarpoq.