Uuliap akia akitsoraluttuinnartoq
Uulia akitsoraluttuinnarpoq. Londonimi uuliamik tuniniaavimmi uulia akoqanngitsoq nappartamut 75 dollarimik ullumi akeqaleraluarpoq. Juunip aappaani 74,64 dollarimik naleqaleraluarneranut naleqqiullugu aatsaat taama akitsortigigaluarpoq, ukiup ataatsip ingerlanerani uulia naappartamut 66,97 dollarimik agguaqatigiisillugu akeqalerami.
Uuliap suli akitsoqqinnissaa ilimagineqarsinnaavoq, Jyske Bankimi aningaasaqarnermut immikkut ilisimasalik, Mette Hørdum Larsen isumaqarpoq.
- Iranip atomimik nukissiornera Korea Avannarlermilu qaartitsisaqattaarnerit toqqissisimatitsinngeqaat taamatuma kingunerisaanik uuliamik piiaaneq tunisassiornerlu millineqarpoq, Mette Hørdum Larsen oqarpoq.
Agguaqatigiissillugu uuliap akoqanngitsup nappartamut akiata 70 dollarip missaaniilernissaa taassuma neriuutigaa.
USA-mi uulia akoqanngitsoq akisuneruvoq. Europami uuliamik akoqanngitsumik atuisut Nordsømi piiaavinniit pilersorneqartut, uuliamik tuniniaavimmit nalunaarutigineqarpoq.
