Uuliamit aatsitassanillu isertat agguataarnissaat mississorpaat
Namminersorneq pillugu Ataatsimiititaliarsuarmi
Ataatsimiittussaavugut. Upernaaq manna atorfilittat Namminersornerullutik Oqartussani kiisalu qallunaat nalagaaffiani ulapaavissorsimapput. Siunissami aatsitassanik piiaanermi kiisalu uuliamik isertinneqar-tartussat qanoq Kalaallit Nunaannit kiisalu Danmarkimit agguataarneqartarnissaannut tunngasut atorfilittanit inaarutaasumik suliarineqarput. Namminersorneq pillugu Ataatsimiititaliami aningaasaqarnermut tunngatillugu eqimattami siulittaasoq; Frank Jensen, oqarpoq:
Maannakkullu apeqqut tikinneqartoq ataasiinnaavoq, tassalu qanoq iliorluni aatsitassanit uliamillu iluanaarutit Kalallit Nunaanit Danmarkimillu agguataarneqartassanersut. Tasiilamilu Namminersorneq pillugu Ataatsimiititaliarsuarmi junip qaammataani ataatsimiinnitsinni aalajangiupparput, atorfilittat suleqatigiissitaliassaannik pilersitsi-soqassasoq, Nuummi Aatsitassanut Ikummatissanullu Pisortaqarfimmiit kiisalu qallunaat Ikumatissaqarniarnermut Aqutsisoqarfianiit sinniisuutitat aatsitassanik uuliamillu iluanaarutit pillugit qanoq agguataarneqartarnissaannik upernaaq isummersuusioqquneqarsimapput, augutusip naalerne-rani Nuummi Namminersorneq pillugu Isumalioqati-giissitap ataatsimiinnissaani, ataatsimiititaliani marluusuni aningaasaqarnermut inuussutissarsiuteqarnermullu ataatsimiititaliami kiisalu Naalagaaffiup inuiaallu tamat akornanni inatsisit pillugit suleqatigiissitaq inaarutaasumik qanoq aatsitassatigut uuliamillu isertitat agguaanneqartarnissaat isummerfigisussaavaat.
- Rosa Thorsen-ip, Frank Jenseni, aperaa tamanna pingaaruteqarpa ?
Frank Jensen, akivoq, soorunami tamanna pingaaruteqarpoq, augustip naalernerani ataatsimiititaliarsuup ataatsimiinnissaani qanoq agguataarisarnissamut tunngatillugu isumaqatigiissutissamik nassaarsinnaanngikkutta, tamatuma suliassartaa kinguartissinnaavarput, qallunaat naalakkersuisuinit kiisalu kalaallit naalakkersuisuinit suliassaq tassunga tunngasoq isumaqatigiinniutigineqartussanngortillugu, kalaallilli ataatsimiititaliarsuarmi ilaasortaatitaasa piumasaraat apeqqut tassunga tunngasoq maannakkut naammassillugu suliarineqassasoq.
Taamaattumillu atorfilittat Nuummi Aatsitassanut Ikummatissanullu Pisortaqarfimmeersut kiisalu Qallunaat Ikumatissaqarniarnermut Aqutsisoqarfianeersut qinnuigisimavagut, aasaq manna suliassaq taanna naammassiniarlugu piffissaq atussagaat. Politikkikkullu Ataatsimiititaliarsuarmi augustip naanerani tamassuma suliassartaa suliariumaaripput.
Namminersorneq pillugu Ataatsimiititaliarsuarmi aningaasaqarnermut siulittaasoq; Frank Jensen,Rosa Thorsenimit apersorneqarluni taama oqaluttuarpoq.
