Uuliamik qaloorinissaq innuttaasunik ataatsimiisitsinernik aallarnerneqassaaq

Kalaallit Nunaanni suliffeqarfiit, sulisartut kalaallit aammalu ilinniartitaanermi periarfissat qanoq iliornikkut pitsaanerpaamik pilersaarusiamut ilanngunneqarsinnaappat? Apeqqut taanna nalunaarusiami akiniarneqartussanngorpoq.
Allattoq Louise M. Kleemann
januaarip 28-at 2010 06:08

Cairn Energy 2010-mi Disko-Nuussuup kitaata imartaani misissuilluni ataatsimik arlalinnilluunniit qillerinissaminik pilersaaruteqarpoq.

Nalunaarusiap aappaani isumannaallisaanikkut, peqqissutsikkut avatangiisinullu aarlerinaatit nunat tamat akornanni ileqquusartunut naapertuunnersut uppernarsineqassaaq.

Nalunaarusiat marsip aallartisimalernerani saqqummiunneqarnissaat naatsorsuutigineqarpoq. Taamaattoqannginneranilu tusarniaatitsinnginnermi nalunaarusiat innuttaasunit atuareerneqarsimanissaat periarfissinneqassaaq.

Innuttaasunik ataatsimiititsinerit marsip qiteqqunnerani aallartinneqassasut naatsorsuutigineqarpoq.

Qillerinerit inuiaqatigiinnut akornutaanngitsumik iluaqusiinissaannik nalilersuinissanut atatillugu, Cairn Energyp suleqatigisaminik allanillu soqutiginnittunik ataatsimeeqateqartarnissaa piumasaqaataavoq.

Ataatsimiinnerit siulliit februaarimi sapaatip akunnerini siullerni marlunni pinissaat pilersaarutaasoq, naalakkersuisunit ilisimatitsissutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq