Uummannami innuttaasut utoqqartaminnut sikunik aalliussisimasut arlaqartut nittartakkatigut attaveqatigiittarfimmi Facebookimi allaaseraat. Karsinik sikunik immerneqarsimasunik illoqarfimmi sumiiffinni assigiinngitsuni aamma inissiisoqarsimavoq.Assi: KNR/Anton Gundersen Lihn

Uuliamik mingutsitsineq: Uummannami imeq suli imerneqarsinnaanngilaq

Uummannami imeq suli imerneqarsinnaanngilaq. Imeq ullut qulingiluat matuma siorna uuliamik mingutsinneqarpoq.

Imermik mingutsinneqanngitsumik pissarsiniarluni assigiinngitsunik aaqqiissuteqarniartoqartoq, Nukissiorfimmit paasissutissiissutigineqarpoq.

Uummannami imeqarfimmi illoqarfimmut imermik pilersuisumi uuliamik mingutsitsisoqarsimavoq. Taamaammat Uummannami tatsimit imeqarfimmit erngup aqqutaanut imermik salinneqanngitsumik ingerlatitsisoqarpoq. Imeq taanna salinneqanngilaq aamma klorimik akoqanngilaq.

Nukissiorfiit suliaqarnerminni imeqarfik matuaat.

AAMMA ATUARUK Uummannami imeq uuliamik mingutsitaasoq

- Umiarsuaatileqatigiiffiup Royal Arctic Linep angallataa Pajuttaat suleqatigilluarparput taanna imermik minguitsumik assartuivoq, imerlu innuttaasunut tunniussuuneqarpoq.

- Taassuma saniatigut nunaqarfimmit Ikerasammit imermik aallerpugut, aamma biilip imertaatip imermik nassataqarluni Qasigiannguaniit Uummannamukaanneqarnissaa sulissutigineqarpoq, Nukissiorfiit qullersaqarfiani pisortaq Sune Tougaard oqarpoq.

Uummannami innuttaasut utoqqartaminnut sikunik aalliussisimasut arlaqartut nittartakkatigut attaveqatigiittarfimmi Facebookimi allaaseraat. Karsinik sikunik immerneqarsimasunik illoqarfimmi sumiiffinni assigiinngitsuni aamma inissiisoqarsimavoq.

AAMMA ATUARUK Politiit: Uummannami imeq uuliamik mingutsinneqarpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat