Uuliamik maqisoqarunnaarpoq

Mexicop Kangerliumanersuani uuliap maqinera uuliasioqatigiiffissuup BP-p maanna unitsippaa.
juulip 16-at 2010 04:50

Uulialli maqiunnaavinnersoq ulloq unnuarlu ataaseq qaangiuppat aatsaat paasinarsissaaq.

Ventiilit talartersuarmiiittut pingajuat nunngutaallu uuliamik maqiffimmiittoq BP-mi ingeniørit ippassaq unnukkut milereeraallu, BP-mi præsidentip tullersortaa, Kent Wells, oqarpoq, uuliamik immamut aniasoqarunnaartoq:

Mexicop Kangerliumanersuanut uuliamik maqisoqarunnaartoq takullugu iluaqaaq, Kent Wells oqarpoq.

Taassumali erseqqissaatigaa nalunaaquttap akunnerini 48-nut tulliuttunut taanna aallarniutaannaasoq. Mexicolli Kangerliumanersuani uuliamik qaammatini kingullerni pingasuni maqisoorneq aatsaavissuaq unitsinneqarpoq, nutaarsiassaqartitsivimmi Ritzauimi allaaserineqarpoq.

Uuliamik maqisoornerup sukkanerpaamik unitsinneqarnissaa USA-mi præsident Barack Obamap naalakkersuisuisa BP-mut ilungersuutiginikorujussuuvaat, taamaammat nutaarsiassaq nuannaarutigeqaat.

- Kisianni tassa utaqqimaalaariarta, Obama erseqqissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq