Uuliamik annertuumik maqisoortoqarpat saliinissammut atortut amigarput

Kalaallit Nunaata sineriaani imaatigut annertuumik uuliamik maqisoqassagaluarpat tamakkiisumik saliinissamut piareersimasoqanngilaq, Nuummi qatsersartut ittuat Knud Petersen oqarpoq
Allattoq Jaaku Lyberth
maajip 12-at 2010 12:04

- Soorlu assersuutigiinnarlugu makku ilaasartaassuit tikerartartut aasat tamaaviisa sineriassuarput tamakkerlugu angalasarput. Taakku arlaat ikkarlikkaluarpat putusoorluniluunniit mingutsitsissappat illersuutissaqanngilagut naamerluinnaavik, Knud Petersen oqarpoq.

Sisimiuni qatserisartut ittuat Steen Boassen oqarpoq uuliamik maqisoqassagaluarpat namminneq tamakkiisumik saliisinnaanatik

- Annertunerpaaq taasinnaasarput tassaavoq Kangaatsiami uuliamik siorna aniasoqarnera. Maanngaanniik qatserisartoqatigut sisamat aallartippagut. Taavalu maani Namminersorltuik Oqartussat maaniititaat uuliakoornermut katersuutissagut, maaniittuutituannguagut, helikopterimik nassarlugit aallarput qaammaterpaaluillu taavani uninngatingatllugit, Steen Boassen oqarpoq.

Knud Petersen isumaqarpoq Kalaallit Nunaanni qatserisartut uuliamik annertuumik maqisoqassagaluarpat saliinissamut ilinniarsimasunik annertuumik amigaateqartoqartoq

- Ikittunnguupput sinerissami qatserisartut uuliakoornissamut pikkorissarnikut, kisanni annikippallaarujussuarpoq atortorissaarutigut aamma ullumikkut qangarnisarujussuanngornikuugamik nutaanik pisarpugut qaqutigoortorujussuarmik kisanni tassa pisariaqar4tipparput maannakkorpiaavik ingammik diskobugtimi uuliamik ujaasilerpata arlaatigut pisoqassagaluarpat atortorissaarutit tuingaasigut isiginnaaginnarsinnaavugut maqittuussagaluarpata annertoorujussuarmik, Knud Petersen oqarpoq. Ilanngullugu oqaatigaa Kalaallit sineriaata annertuumik uuliakoortoqassagaluarpat Canada imaluunniit Island ikiortiserneqartariaqassasut