Uuliakoortuusaartoqalerpoq
Issittoq pillugu immikkut ilisimasallit inuit arlaliusut maanna pilersaarutigaat issittut imartaanni ilumuunngitsumik uuliakoorisuusaarniarlutik uuliakoorinerup qanoq ililluni salinneqarnissaa ilinniarniassagamikku.
Ilisimatooq norskiusoq Evor Sinksus oqarpoq, uuliasiortuartoqartillugu issittullu imartaani angallatit sarsuajuartillugit uuliakoortuartoqassasoq, akerlianilli uuliakoorutip qanoq ilillugu salinneqarnissaa iluamik sianigineqarpiarani.
- Tamanna imartani sikoqarfiusuni ajorluinnarpoq, Evor Sinksus oqarpoq. Taanna nunat tamalaat uuliasiorneq pillugu suliniaqatigiiffianni Canada sinnerlugu ilaasortaavoq.
Maannalu ukiuni aggersuni ilisimatuut pilersaarutigilerpaat, Canadap imartaani Beaufort Sea-mi kiisalu Norgep imartaani uuliakoortuarneq pillugu misissuisoqassasoq.
- Taamaallaat taamatut iliorluta tamatuma aaqqiviginiarneranut aqqutissanik ujartuisinnaavugut, Evor Sinksus nutaarsiassaqartitsivimmut cbc-mut oqarpoq.
